Blog

Kandidati për kryetar të Komunës së Lipjanit nga radhët e PDK-së, Shukri Buja, ka vendosur arsimin si prioritet kryesor në programin e tij qeverisës.

“Mësimdhënësit janë në pritje të Kryetarit, dhe unë kam përgjegjësinë të jem zëri i tyre,” u shpreh Buja, duke shtuar se vizioni i tij përfshin shkolla më të mira, arsim më cilësor dhe kushte dinjitoze pune për punonjësit e arsimit.

Programi i tij parasheh ndërtimin e shkollave, çerdheve dhe kopshteve të reja, si dhe masa konkrete për ta lehtësuar barrën e familjeve: mbulimin e kostos së shujtave ditore, transportit për nxënës dhe dhënien e bursave për nxënësit e suksesshëm.

“Arsimi nuk duhet të jetë barrë, por lehtësim dhe mundësi për secilën familje në Lipjan. Me PDK-në dhe me programin tim, ne do ta bëjmë këtë realitet. Ejani me ne, sepse fitorja është e jona,” deklaroi Buja.

Kryetari i Komunës së Drenasit, Ramiz Lladrovci, ka reaguar pas publikimit të një transkripti të cunguar të një audio-incizimi që lidhet me pronat komunale.

Sipas tij, incizimi është i paligjshëm dhe i nxjerrë nga uzurpatori i pronës, ish-asamblisti Arigon Sinani, i cili sipas Lladrovcit, po përdor metoda shantazhi dhe presioni për të mbajtur në mënyrë të paligjshme pronën komunale.

“Unë jam i gatshëm të publikoj çdo audio-incizim, sepse nuk kam çfarë të fsheh. Në asnjë rast nuk kam tentuar të bëj diçka të paligjshme. Jam i bindur se gjithmonë kam mbrojtur interesin publik dhe të qytetarëve të Drenasit”, ka thënë Lladrovci.

Ai thekson se bisedat e publikuara në media janë të shkëputura dhe nuk japin të vërtetën e plotë. Në versionin e plotë të incizimit, sipas tij, shihet qartë kush e ka mbrojtur pronën dhe kush ka synuar vazhdimin e uzurpimit.

“Shantazhet dhe presionet nuk mund ta ndalin fitoren e iniciativës ‘Për Drenasin Kampion’ më 12 Tetor. Ftoj organet e rendit të hetojnë rastin dhe autorët e këtyre metodave të paligjshme”, ka shtuar Lladrovci.

Në fund, ai thekson se për rastin ekziston edhe një shënim zyrtar në Policinë e Kosovës dhe se çështja do të trajtohet nga organet kompetente.

⬇️⬇️

https://www.facebook.com/share/p/1745T8GhFC/?mibextid=wwXIfr

Policia në Tiranë ka sekuestruar 18 asete me vlerë 3 milionë euro, me burime të dyshuara kriminale.

Siç raportojnë mediat shqiptare, noterja 35-vjeçare, Sanja Telhallari, ka qenë përfituese e këtyre burimeve kriminale.

Ndërsa Policia ka bërë të ditur se asetet e sekuestruara janë: 13 pasuri të paluajtshme dhe pesë llogari bankare.

Paralelisht po kryhen veprime hetimore dhe procedurale, për të gjurmuar dhe sekuestruar pasuri të tjera të 35-vjeçares, me burime të dyshimta, si dhe për të dokumentuar me prova ligjore burimin e të ardhurave të kësaj shtetaseje.

Derisa lidhur me rastin, hetimet dhe veprimet operacionale janë ende në vazhdim.

Materialet procedurale iu referuan Prokurorisë së Tiranës, për veprime të mëtejshme.

Në Kishnarekë u mbajt një tubim zgjedhor i Bashkimit Demokratik, ku u prezantua platforma qeverisëse e kandidatit për Kryetar të Komunës së Drenasit, prof.dr. Ajvaz Berisha, si dhe programi i kandidatit për Asamblenë Komunale nga ky fshat, prof. Izjah Çelaj.

Banorët e Kishnarekës, të pranishëm në numër të konsiderueshëm, shprehën interesim dhe vëmendje ndaj ofertës së re politike, duke kritikuar qeverisjen e deritashme dhe duke mirëpritur vizionin për ndryshim.

Prof.dr. Ajvaz Berisha shpalosi planet për përmirësimin e infrastrukturës, zhvillimin ekonomik, arsimin, investimet, shëndetësinë si dhe përkrahjen e rinisë dhe grave, duke e cilësuar Kishnarekën pjesë të rëndësishme të këtij vizioni. Në anën tjetër, prof. Izjah Çelaj u zotua se do të përfaqësojë me seriozitet interesat e komunitetit të tij në Asamblenë Komunale.

Takimi u karakterizua nga një atmosferë pozitive dhe bashkëpunuese, ku kandidati për kryetar, prof.dr. Ajvaz Berisha, bëri thirrje për një votë të mençur dhe të përgjegjshme në zgjedhjet e ardhshme, duke vënë theksin te e ardhmja e gjeneratës së re.

Sonte, në Resinoc, familja Sadriu, e njohur për sakrificën dhe kontributin e saj në luftën për lirinë e Kosovës, dëshmoi edhe njëherë përkrahjen e fuqishme për kandidaturën time për kryetar të Lipjanit dhe për Partinë Demokratike të Kosovës (PDK).

Ky takim u shndërrua në një moment inspirimi dhe motivimi për të gjithë qytetarët, duke rikujtuar rëndësinë e angazhimit qytetar dhe mbështetjes për një të ardhme më të mirë për komunën e Lipjanit.

Mbështetja e familjes Sadriu është një sinjal i qartë se vizioni për zhvillim, transparencë dhe përmirësim të shërbimeve publike po gjen përkrahje të fortë në komunitet.

VOTO PDK – Shukri Buja për Kryetar të Lipjanit!

#PDK #ShukriBuja #Lipjan #Zgjedhjet2025

Sonte, në Çikatovë të Vjetër, Bashkimi Demokratik organizoi një tubim zgjedhor ku qytetarët patën mundësinë të njihen nga afër me programin dhe vizionin e kandidatëve të tyre për zgjedhjet lokale.

Prof.dr. Ajvaz Berisha, kandidat për kryetar të komunës së Drenasit, prezantoi planet e tij për transparencë në qeverisje, zhvillim ekonomik lokal përmes investimeve të huaja, përmirësim të shërbimeve publike dhe zhvillim të infrastrukturës.

Kandidati për Asamble nga Çikatova e Vjetër, z. Habib Makolli, theksoi angazhimin e tij për të përfaqësuar qytetarët me dinjitet dhe për të sjellë zërin e tyre në institucionet vendore.

Qytetarët e pranishëm shprehën besimin dhe motivimin për ndryshimet pozitive që Bashkimi Demokratik synon të sjellë në Drenas, duke treguar mbështetjen e tyre për një të ardhme më të mirë për komunitetin.

VOTO 1️⃣4️⃣5️⃣ Bashkimi Demokratik – prof.dr. Ajvaz Berisha për Kryetar!

VOTO 1️⃣3️⃣ Habib Makolli për Asamble!

#BashkimiDemokratik #AjvazBerisha #Zgjedhjet2025 #ÇikatovëTeVjetër

Sot në Kraishtë, Ribar të Madh, Bujan, Bregun e Zi, Varigovc dhe Zllakuqan, qytetarët treguan fuqinë e tyre! Pjesëmarrja juaj e jashtëzakonshme tregon besimin e palëkundur në vizionin tonë për një Lipjan më të zhvilluar dhe më të fortë.

Ky besim nuk është vetëm nder – ai është obligim! Me përkushtimin tonë të plotë dhe mbështetjen tuaj, fitorja është e pashmangshme. Bashkohuni me ne, votoni për ndryshim dhe le të ndërtojmë së bashku të ardhmen që Lipjani e meriton!

Heroina Nika, me nr. 15️⃣ në listën e Bashkimit Demokratik, synon të sjellë një qeverisje më të afërt me qytetarin në Drenas. Ajo angazhohet për zhvillim të qëndrueshëm, mundësi të barabarta dhe një komunë transparente, ku zëri i secilit banor ka rëndësi.

Heroina është zëri juaj në Asamblenë Komunale – për vendime që ndikojnë drejtpërdrejt në jetën e përditshme të qytetarëve.

Voto BD dhe Heroina Nikën për një Drenas më të hapur dhe më të zhvilluar! ✅

Kandidati për kryetar të Komunës së Lipjanit, Shukri Buja, ka nderuar sot betejën historike të Zonës Operative të Nerodimës, të njohur si “Epopeja e UÇK-së”. Ai bëri homazhe pranë varrezave të dëshmorëve në Ferizaj, te shtatorja e Arsim Zeqirit nga Hallaqi i Lipjanit, si dhe pranë gjeneralit që udhëhoqi këtë betejë, zëvendëskomandantit të ZO Nerodimës, Imri Ilazi, në njëvjetorin e ndarjes së tij nga jeta.

“Lavdi dëshmorëve të kombit dhe të gjithë atyre që sakrifikuan për lirinë e Kosovës”, u shpreh Buja.

Memli Krasniqi duket se ka një pasion të jashtëzakonshëm për Llapushnikun… aq sa Petrit Hajdari vendos kandidatin e vet nga fshati Llapushnik në fund të listës! Po, e dëgjuat mirë: kandidati më i “dashur” i fshatit për PDK-në, trajtohet si personi më i pakvlefshëm, ndërkohë që Ramiz Lladrovci nuk ka problem të vendosë Laureta Thaçin në krye të listës, duke e njohur fuqinë reale të Llapushnikut.

Kjo është politika e vërtetë e dyfytyrësisë: dashuria për votat e fshatit është e madhe, por respekti dhe pozicioni për ata që e meritojnë? Zero! Memli duket se ka vetëm zemër për retorikë, por për veprime… asnjë.

Laureta Thaçi nga Llapushniku si bartëse listë e Ramiz Lladrovcit

Laureta Thaçi nga fshati Llapushnik

Në Drenas, Llapushniku ka më shumë banorë dhe peshë politike sesa shumë fshatra të tjerë, por PDK-ja i trajton si “dhuratë votash” – mjaft të mira për numra, jo për pushtet. Pra, dashuria për fshatin duket e madhe në foltore, por në listë shfaqet një respekt që është më i ftohtë se dimri i Llapushnikut.

AL-PRESS.ONLINE

_______________