Blog

Ndërsa dita e balotazhit po afrohet, figura të njohura nga Suhareka dhe diaspora kanë filluar të deklarojnë hapur përkrahjen e tyre për kandidatët që besojnë se do ta çojnë qytetin përpara.

Shaip Kadriaj ka bërë publike mbështetjen e tij për kandidatin Bali Muharremaj, duke theksuar punën e mirë dhe rezultatet konkrete që ai ka arritur gjatë mandatit të tij.

“Suhareka ka nevojë për vazhdimësi dhe zhvillim. Z. Muharremaj ka dëshmuar me vepra, përkushtim dhe rezultate se meriton besimin e qytetarëve dhe të diasporës. Prandaj, në këtë balotazh, unë e mbështes plotësisht,” – ka deklaruar Kadriaj.

Ai u ka bërë thirrje të gjithë qytetarëve të Suharekës që të përkrahin Bali Muharremajn për një mandat të ri, duke theksuar rëndësinë e stabilitetit dhe zhvillimit të qytetit.

“Bashkë për Baliun, bashkë për Suharekën!” – përfundon mesazhi i tij.

Postimi i tij në Facebook:

Pak ditë para zgjedhjeve lokale, gazetari Valon Syla parashikon se në komunën e Lipjanit do të ketë balotazh dhe se kryetari Imri Ahmetaj do të sfidohet seriozisht, shkruan Gazeta Metro.

Sipas Sylës, PDK-ja dhe VV-ja po garojnë me kandidatura serioze, gjë që do ta sigurojë balotazhin dhe do t’ia vështirësojë punët LDK-së.

“Balotazhi në Lipjan tashmë duket qartë sepse PDK dhe VV hynë aty me kandidatë të fortë”, shkroi Syla.

Për më tepër, Syla tha se është kandidati i PDK-së, Shukri Buja, ai që i ka sjellë lajme të këqija Imri Ahmetit duke u shndërruar në kundërkandidat të fortë në këtë garë.

“Sidomos, Shukri Buja e riktheu PDK’n në Lipjan dhe ky nuk është lajm i mirë për Imri Ahmetin që mban pushtetin për 12 vjet atje e që 16 vjet për një njeri në pushtet nuk ka qef askushi, e posaçërisht Lipjani këtë herë”, tha Syla në fund.

Imri Ahmeti i ka pasur tri mandate në krye të Lipjanit, ndërsa tash garon për të katërtin me radhë. Por, duket se Shukri Buja i PDK-së ka arritur që të bëjë fushatë serioze dhe ka shpresë të madhe për fitore në fund./gazetametro.net

Në zemër të Drenasit po ngrihet një zë i fortë, i vendosur dhe i drejtë – Merita Plakiqi-Bala, një emër që lidhet ngushtë me arsimimin, ndershmërinë dhe sakrificën kombëtare.

Vajza e arsimtarit të njohur Fadil Plakiqi, që edukoi breza të tërë e la pas një trashëgimi të çmuar në arsim e në formimin e karakterit qytetar. Shumë prej nxënësve të tij u bënë heronj të luftës dhe udhëheqës të zhvillimit të Kosovës së lirë.

Merita është gjithashtu motra e luftëtarit të lirisë, Xhafer Plakiqi, i cili dha gjithçka për lirinë e atdheut.

E rritur në një familje punëtore e me vlera të forta kombëtare, ajo sot e sjell këtë trashëgimi të pasur në shërbim të qytetit të saj.

Një grua që nuk premton shumë, por punon shumë, që dëshmon me vepra, jo me fjalë. Me qetësi, përkushtim e vendosmëri, ajo përfaqëson gjeneratën e re të grave që besojnë se politika duhet të jetë shërbim, jo privilegj.

“Merita është grua e çelikt, përkrah Çelikut të Luftës – një zë i ndershëm, i guximshëm dhe i vërtetë për Drenasin tonë.”

Merita Plakiqi-Bala 3️⃣✅

Për Drenasin që punon, jo që flet.

 Në garën për Asamblenë Komunale të Drenasit, një emër që po fiton gjithnjë e më shumë besimin e qytetarëve është Merita Plakiqi Bala, kandidate e NISMA Socialdemokrate me numrin 3✅.

Me 27 vite përvojë në arsim, Merita Bala është dëshmi e përkushtimit ndaj dijes, edukimit dhe brezave të rinj. Ajo e njeh mirë sistemin arsimor, sfidat e tij dhe rrugët që çojnë drejt përmirësimit të cilësisë së mësimdhënies dhe kushteve të shkollave në komunën e Drenasit.

Përveç përvojës profesionale, Merita Plakiqi Bala vjen edhe me bagazh të pasur jetësor – si nënë për 21 vite, grua punëtore dhe e përgjegjshme, dhe qytetare që e njeh nga afër realitetin e çdo familjeje drenase. Këto vlera e kanë bërë të ndjeshme ndaj nevojave të komunitetit dhe të vendosur që në Asamblenë Komunale të mbrojë me zë të fortë interesat e qytetarëve.

“Arsimi është rrënja e zhvillimit. Familja është shtylla e shoqërisë. Kur këto dy fusha janë të forta, edhe Drenasi është më i fortë. Ky është vizioni im – zhvillim përmes dijes dhe vlerave,” thekson Bala.

Në këtë garë zgjedhore, Merita Plakiqi Bala sjell një kombinim të përvojës, përkushtimit dhe vizionit, duke u bërë zëri i ndryshimit që synon një Drenas më të zhvilluar, më të drejtë dhe më njerëzor.

Partia Bashkimi Demokratik (BD) sonte zhvilloi një tubim përmbajtësor zgjedhor në fshatin Dobroshefc – lagjja Prenku, ku morën pjesë një numër i madh qytetarësh dhe të rinjsh të kësaj zone. Në këtë ngjarje të rëndësishme politike ishin të pranishëm Kryetari i BD-së, Prof. dr. Ajvaz Berisha, nënkryetarët, anëtarë të kryesisë si dhe kandidatët për Asamblenë Komunale të Drenasit.

Tubimin e hapi Edmond Prenku, Kryetar i Rinisë së BD-së dhe kandidat për Asamble nga Dobroshefci, i cili theksoi përkushtimin e të rinjve për të sjellë energji të re dhe ide konkrete për zhvillimin e komunës.

Në vijim, Kryetari Berisha prezantoi programin dhe vizionin e Bashkimit Demokratik, duke vënë theksin tek zhvillimi ekonomik lokal, përmirësimi i infrastrukturës dhe rritja e cilësisë së jetës për banorët e Drenasit. Ai theksoi se ndryshimi i vërtetë kërkon bashkim dhe vullnet kolektiv, duke i ftuar qytetarët që më 2025 të votojnë për një Drenas më të drejtë, më të zhvilluar dhe më të bashkuar.

Pas pjesës zyrtare, u zhvillua një debat i hapur me qytetarët, ku u trajtuan pyetje dhe shqetësime konkrete. Kryetari Berisha iu përgjigj drejtpërdrejt çdo pyetjeje, duke nënvizuar se “e ardhmja është në duart e votuesve dhe ndryshimi fillon me pjesëmarrje”.

Drenasi im, bashkohu për ndryshim!

#BashkimiDemokratik #ZgjedhjetLokale2025 #AjvazBerisha #Drenas #Dobroshefc

Marigona Kadriaj, një vajzë e re dhe e vendosur, po kandidon për Asamblenë Komunale të Suharekës me numrin 26, në listën e kandidatit për Kryetar të Komunës, Dardan Berisha (191).

Në mesazhin e saj drejtuar qytetarëve, Kadriaj thekson rëndësinë e përfshirjes së rinisë në vendimmarrje dhe krijimit të kushteve reale për zhvillimin e tyre:

“Si një vajzë e re që po kandidoj për Asamble Komunale, unë e di sa shumë sfida ka rinia jonë — por edhe sa shumë fuqi e ide të mira kemi.

Rinia nuk ka nevojë për premtime boshe, por për mundësi reale: për punë, arsim cilësor dhe përfshirje në vendimmarrje.

Unë dua të jem zëri juaj në Asamble, zëri që e shtyn komunën tonë përpara me energjinë e rinisë. Së bashku me Kryetarin Dardan Berisha, do të punojmë që rinia e komunës sonë të ketë më shumë hapësira, më shumë mundësi dhe më shumë besim në të ardhmen.

E ardhmja është në duart tona — dhe ne jemi gati ta ndërtojmë bashkë!”

Mesazhi i Marigonës ka gjetur mbështetje të madhe në mesin e të rinjve të Suharekës, të cilët po e shohin atë si përfaqësuese të brezit të ri që dëshiron ndryshim real në komunë.

Kandidati për Asamblenë Komunale nga Aleanca për Ardhmërinë e Kosovës, Gani Bytyqi, numër 16✅, pritet të marrë mbështetje të madhe nga qytetarët e Drenasit në zgjedhjet lokale të 12 Tetorit.

Gani Bytyqi njihet si një nga figurat e afërta me deputetin e AAK-së, Gjeneral Daut Haradinaj, duke fuqizuar pozicionin e tij politik dhe duke garantuar një rrjet të fortë mbështetësish. Kandidatura e tij synon të sjellë angazhim dhe përfaqësim të fuqishëm në Asamblenë Komunale, duke përfaqësuar interesat e qytetarëve të Drenasit.

✅ VOTO 16 – Gani Bytyqi për Asamblenë Komunale në Drenas

Kandidati për Kryetar të Komunës së Lipjanit, Shukri Buja, së bashku me kandidatin për Kuvend Komunal, Arditin, zhvilluan një vizitë në lagjen Bajraktari. Takimi me banorët solli një mbështetje të fuqishme për kandidaturën e tij dhe vizionin e tij për zhvillim dhe përmirësim të jetës në komunë.

Buja theksoi rëndësinë e dëgjimit të qytetarëve dhe angazhimin e tij për projekte që përmirësojnë infrastrukturën, arsim cilësor, shërbime publike dhe mundësi punësimi. Banorët e lagjes Bajraktari shprehën besimin se programi i tij do të sjellë ndryshime reale në komunë dhe do të forcojë komunitetin lokal.

“Këto takime janë një motivim shtesë për të punuar me përkushtim dhe për të realizuar premtimet që kam dhënë për qytetarët e Lipjanit,” u shpreh Buja.

Kandidatja për Asamblenë Komunale të Suharekës, Marigona Kadriaj, ka zhvilluar një takim elektoral në fshatin Reqan, në mesin e familjarëve dhe banorëve të zonës. Në këtë aktivitet mori pjesë edhe kandidati për kryetar të komunës, Dardan Berisha, bashkë me kandidatët tjerë për asamble.

“Reqani është vendi ku jam rritur dhe gjithmonë jam ndier si në shtëpinë time. Pritja e ngrohtë dhe mbështetja e fortë nga dajtë e mi dhe nga banorët e Reqanit janë dëshmi se dashuria dhe besimi i familjes shndërrohen në forcë për të ecur përpara në shërbim të qytetarëve,” u shpreh Kadriaj.

Ajo theksoi përkushtimin për të qenë zë i fuqishëm i qytetarëve në asamble, duke ftuar të gjithë suharekasit të bashkohen në këtë rrugëtim politik.

“Me shumë mirënjohje dhe besim, ju ftoj të na përkrahni: ✅ Dardan Berisha – 191 për kryetar dhe ✅ Marigona Kadriaj – 191/26 për asamble,” tha Kadriaj.

Kandidati për kryetar të Drenasit nga radhët e Bashkimit Demokratik (BD), Prof. Dr. Ajvaz Berisha, ka prezantuar spotin e tij zgjedhor, ku thekson vizionin për një komunë me zhvillim të ndershëm dhe të barabartë për të gjithë qytetarët.

Në spot, Berisha thekson se BD si parti liberale ka në qendër individin, barazinë në shoqëri, drejtësinë dhe mundësitë e njëjta për zhvillim ekonomik përmes investimeve. “Prona publike nuk është për t’u zhvatë nga askush. Ajo i shërben interesit të përgjithshëm, jo xhepave të politikës lokale,” shprehet ai në mesazhin e tij.

Spotin e tij, Berisha e ka fokusuar tek çështjet konkrete që prekin drejtpërdrejt qytetarët: arsim cilësor, ujë dhe kanalizime, bursa për nxënësit, çerdhe për fëmijët dhe investime që hapin vende të reja pune.

Mesazhi i tij politik është i qartë: “Bashkë, me dinjitet dhe votim të mençur, do t’i largojmë ata që për vite të tëra kanë parë vetëm interesat personale dhe kanë dështuar të sjellin zhvillim. Më 12 tetor, votoni progresin – Bashkimi Demokratik dhe numrin ✅145.”

____________________________________

➡️⬇️https://www.facebook.com/share/v/1CfeGmYQjA/?mibextid=wwXIfr